Diben

Rydym wedi ymrwymo i gyflawni safonau uchel yn ein holl waith, a chynnal perthnasoedd parchus a phroffesiynol gyda'n gweithwyr, cwsmeriaid a'r cyhoedd yn gyffredinol. Mae'r polisi hwn yn amlinellu sut mae cwynion yn cael eu trin i sicrhau tegwch, tryloywder a gwelliant parhaus.

Cyfrinachedd

Bydd pob cwyn yn cael ei thrin yn gyfrinachol. Dim ond gyda'r rhai sy'n ymwneud yn uniongyrchol â'r ymchwiliad neu lle bo'r gyfraith yn ei gwneud yn ofynnol y bydd gwybodaeth yn cael ei rhannu.

Diffiniad o gŵyn

Mae cwyn yn fynegiant o bryder neu anfodlonrwydd ynghylch ein gwasanaethau, arferion busnes, neu ymddygiad ein gweithwyr.

Gwneud cwyn

Dylid anfon cwynion drwy e-bost at: cwynion@communitycatalysts.co.uk. Yna bydd y Cyfarwyddwr Gweithrediadau Busnes yn ymchwilio i'r gŵyn.

Beth sy’n digwydd nesaf?

• Byddwn yn cydnabod eich cwyn o fewn 2 ddiwrnod gwaith drwy e-bost.
• Ein nod yw datrys cwynion yn brydlon a byddwn yn darparu diweddariad o fewn 10 diwrnod gwaith i’w cydnabod.
• Os bydd angen mwy o amser i ymchwilio i'r mater, byddwn yn eich hysbysu am estyniad ac yn darparu amserlen ddiwygiedig.

Os nad ydych chi'n fodlon â'r canlyniad

Os nad ydych yn fodlon â chanlyniad eich cwyn, gallwch ofyn iddi gael ei hadolygu. Dylech wneud hyn drwy e-bostio cwynion@communitycatalysts.co.uk, a gofyn yn benodol am i'ch cwyn gael ei huwchgyfeirio.

Bydd y Prif Swyddog Gweithredol yn edrych o’r newydd ac yn ymateb i chi o fewn 10 diwrnod gwaith.